September 30th, 2021
Tunizia është shteti i parë në botën arabe që ka caktuar një grua për kryeministre. Presidenti i shtetit Kais Saied ka deklaruar publikisht që ky rol i është besuar Naja Bouden Romdhane.
Është hera e parë në historinë e Tunizisë që një grua të drejtojë një qeveri. Është nder për Tunizinë dhe të gjitha gratë tuniziane
Kais Saied, President i Tunizisë
Saied deklaroi se ky vendim nderon gratë e vendit të tij. Sipas tij, Tunizia “ka humbur shumë kohë”, andaj ai kërkoi nga kryeministrja e re 63 vjeçare që menjëherë të fillojë me formimin e kabinetit. Romdhane ka shërbyer në Ministrinë e Arsimit të Lartë një dekadë më parë, në vitin 2011.
Shtetet arabe shumë rrallë kanë gra në pozitat e larta politike. Qeveria e re duhet të marrë masa të shpejta për të kërkuar përkrahje financiare për buxhetin dhe borxhet, pasi marrja pothuajse e plotë e pushtetit nga presidenti në korrik i pezulloi bisedimet me Fondin Monetar Ndërkombëtar, shkruan CNN.
Tunizia është përballur me rritje të numrit të rasteve me Covid-19, zemërim të publikut për mosfunksionimin politik dhe vështirësitë ekonomike. Qindra njerëz dolën rrugëve në kryeqytetit në fundjavën e kaluar për të protestuar kundër veprimit të presidentit për t’i dhënë kompetenca vetes
Rita Behadini është moderatore, gazetare dhe aktiviste e të drejtave të grave. Ajo ka kryer studimet për "Biznes dhe Ekonomi" në Universitetin e Evropës Juglindore në Tetovë. Gjatë studimeve Rita themeloi klubin studentor feminist, nga ku dhe lindi pasioni i saj për të avokuar për të drejtat e grave. Gjatë po asaj kohe ajo u punësua si gazetare në Portalb, për të vazhduar më pas për katër vite karrierën e saj në televizionin Alsat të Maqedonisë. Puna e saj si gazetare është e orientuar në të drejtat e grave dhe barazinë gjinore. Aktivizmin e saj Rita e vazhdoi duke themeluar Qendrën për Mundësi të Barabarta "Mollëkuqja", ku aktualisht ushtron detyrën e presidentes.
Përmbajtja e kësaj ueb-faqeje është përgatitur nga Mollëkuqja me mbështetje të popullit Amerikan përmes Agjencionit për Zhvillim Ndërkombëtar të Shteteve të Bashkuara të Amerikës (USAID). Pikëpamjet e autorëve të shprehura në këtë ueb-faqe nuk reflektojnë medoemos pikëpamjet e Agjencionit për Zhvillim Ndërkombëtar të Shteteve të Bashkuara apo të Qeverisë së Shteteve të Bashkuara të Amerikës.
Platforma mollëkuqja.mk është projekt i Qendrës për Mundësi të Barabarta "Mollëkuqja". Nëpërmjet kësaj platforme ne synojmë të krijojmë një hapësirë të sigurtë për gratë dhe burrat, ku të njëjtët jo vetëm mund të informohen për problemet aktuale që kanë të bëjnë me diskriminimin gjinor, por edhe të mund të ndajnë mendimet dhe eksperiencat e tyre.
Të gjitha të drejtat janë të rezervuara © 2024 / Mollëkuqja.mk | Made by LuckyMedia
