Si t'i lani sytjenat?

Ju duhet të lani shumicën e sytjenave pas rreth katër veshjeve, ose më shpesh nëse kaloni një ditë të djersitur. Për sa i përket sytjenave sportive, duhet t'i lani, ose të paktën t'i shpëlani me ujë të ngrohtë, pas çdo stërvitje.

Çfarë ju duhet?

Detergjent për larjen e rrobave: Qoftë nëse i lani sytjenat me dorë ose me lavatriçe, rekomandohet të përdorni detergjent të butë. Megjithatë, për shumicën e sytjenave, çdo detergjent i lëngshëm duhet të funksionojë mirë.

Çanta delikate (opsionale): Një çantë rrobash me rrjetë të imët ndihmon sytjenat të ruajnë formën e tyre, të mos ngatërrohen rripat dhe mbron dantellën dhe pëlhurat të tjera delikate në lavatriçe.

Lavatriçe (opsionale): Sytjenat që lahen në lavatripe i bëjnë ato të konsumohen më shpejt sesa nëse i lani me dorë. Por nëse përdorni lavatriçen, pastroni sytjenat tuaja me një ngarkesë të vogël rrobash në një cikël delikate nëse është e mundur.

Raft për tharje, kapëse ose litar rrobash (opsionale): Është thelbësore të thani sytjenat tuaja me ajër.

Sa kohë do ju merr pastrimi?

Duhen pesë deri në 10 minuta për të larë sytjenat me dorë dhe 45 deri në 90 minuta për t'i larë ato me lavatriçe. Sido që të jetë, sytjenat kanë nevojë për kohë për t'u tharë në ajër, nga 45 minuta deri në një ditë të plotë, në varësi të pëlhurës dhe kushteve të tharjes.

Larja e sytjenave me dorë

Kur lani sytjena dhe veshje të tjera delikate me dorë, përdorni detergjent të butë. Për sa kohë që sytjenat tuaja nuk përmbajnë fije mëndafshi ose leshi, është e sigurt të përdorni çdo detergjent të lëngshëm rrobash për t'i larë ato me dorë.

Sytjena që lahen lavatriçe

Pavarësisht se sa e shkëlqyer është lavatriçja juaj, ajo do t'i konsumojë sytjenat tuaja më shpejt sesa nëse i lani me dorë. Por nëse preferoni të lani sytjenat tuaja në lavatriçe, mund të përpiqeni të reduktoni konsumimin duke marrë disa masa paraprake.

Mbajeni ngarkesën e rrobave të vogla; ky është një rregull i mirë për t'u ndjekur në përgjithësi, jo vetëm për sytjenat. Siç vërejmë në udhëzuesin tonë për lavatriçe dhe tharëse, "Kur rrobat tuaja lëvizin lirshëm, ato bëhen më të pastra".

Përpiquni t'i lani sytjenat tuaja në një çantë lavanderi me rrjetë mbrojtëse. Nëse artikujt e tjerë me të cilët po i lani sytjenat tuaja nuk janë delikate, përdorimi i një cikli normal të ftohtë është gjithashtu në rregull.

Së fundi, sigurohuni që të përdorni sasinë e duhur të detergjentit. Pavarësisht se çfarë mund të thotë shishja, nuk ka nevojë të përdorni më shumë se 2 lugë gjelle detergjent të lëngshëm për çdo ngarkesë rrobash. Përdorimi i tepërt i detergjentit mund të lërë mbetje vaji në rroba dhe mund t'i bëjë sytjenat tuaja më pak të rehatshme.

Sytjenat që thahen me ajër

Pavarësisht se si zgjidhni të lani të brendshmet, duhet t'i thani gjithmonë ato në ajër. Cora Harrington, autore e librit Intimate Detail: How to Choose, Wear, and Love Lingerie, tha se lëvizja e ashpër e një tharëseje të automatizuar mund të shtrembërojë, ngatërrojë, shtrijë ose shtrembërojë formën.

Në mënyrë ideale, ruajini ato drejt dhe të folezuara brenda njëra-tjetrës. Kjo do t'i parandalojë ato të bëhen të rrudhosura ose të deformuara dhe do t'i ndihmojë që të duken dhe të ndjehen si të reja më gjatë.

• Artikulli origjinal: The New York Times

• Përktheu dhe përshtati për Mollëkuqja: Fisnik Xhelili