November 8th, 2021
Pandëshkueshmëria e gjuhës seksiste dhe diskriminuese mban të “gjallë” këtë fenomen në Maqedoninë e Veriut ndërkaq problemi bëhet më i madh kur kjo e fundit përdoret nga profesorët universitar.
Në një diskutim për krizën energjetike në vend në “Utrinski Brifing” këshilltari financiar dhe profesori Goran Rafajllovski duke analizuar situatën në vend përdori një proverbë e cila përmban gjuhë seksiste, ofenduese dhe diskriminuese ndaj grave, edhe atë:
“Ekziston një fjalë e urtë e vjetër arabe e cila thotë se kur ju merrni një grua që ka qenë më përpara e martuar, në këtë rast njëra parti merr shtetin nga partia tjetër, ajo mund të jetë pak shtatzënë ose më shumë shtatzënë, dhe të ketë edhe disa fëmijë tjerë mënjanë. Kështu që në këtë situatë nuk keni të drejtë të ankoheni se në çfarë gjendje do e gjeni arkën apo thesarin e shtetit”
Goran Rafajllovski
"Mollëkuqja" vë në shprehje edhe njëherë që Maqedonia e Veriut sipas kushtetutës është shtet demokratik i cili sipas çdo ligji nacional edhe ndërkombëtar, respekton liritë dhe të drejtat e njeriut. Andaj, proverbat e tilla duke marrë për shembull një shtet si Arabia Saudite nuk mund të përdoren në rrethanat tona sepse mund të jenë të dëmshme.
Në momentin kur një gjuhë e tillë shfaqet në media dhe përdoret nga persona të cilët mund të kenë ndikim, ajo më nuk është vetëm gjuhë e urrejtjes apo diskriminuese por ekziston rreziku që të nxit urrejtje, dhunë si dhe të normalizojë një gjuhë të tillë, marrë parasysh që një ndër funksionet që ka media është edukimi i masës .
“Mollëkuqja” dënon ashpër gjuhën e përdorur nga analisti Goran Rafajllovski dhe kërkon nga organet kompetente të marrin masa për gjuhën e tillë ofenduese dhe diskriminuese që është përdorur nga i njëjti.
Ardit Ramadani është magjistër i Komunikimit Masiv dhe Gazetarisë. Ai është autor dhe redaktor i disa hulumtimeve. Më herët, ka punuar si verifikues i fakteve në Vërtetmatës.mk dhe Crithink.mk, si gazetar në ‘Portalb.mk’ dhe në Televizionin Kombëtar ‘Alsat M’. Aktualisht, Arditi është kryeredaktor përgjegjës në portalin ‘Mollekuqja.mk’ dhe udhëheqës i hulumtimit në Forumin për Ndryshime në Arsim. Arditi është bashkë-themelues në të dy këto organizata.
TË NDRYSHME
Kur rolet gjinore kalojnë pragun e shtëpisë, burrave u pamundësohet ndërrimi ...
Era Gjakova
18/10/2023
Si "Odë Burrash", listat e partive shqiptare për zgjedhjet lokale
Ardit Ramadani
24/09/2021
Aborti selektiv në RMV: Vajzat abortohen vetëm sepse janë vajza, por shteti n...
Vjollca Aliti
13/11/2021
Përmbajtja e kësaj ueb-faqeje është përgatitur nga Mollëkuqja me mbështetje të popullit Amerikan përmes Agjencionit për Zhvillim Ndërkombëtar të Shteteve të Bashkuara të Amerikës (USAID). Pikëpamjet e autorëve të shprehura në këtë ueb-faqe nuk reflektojnë medoemos pikëpamjet e Agjencionit për Zhvillim Ndërkombëtar të Shteteve të Bashkuara apo të Qeverisë së Shteteve të Bashkuara të Amerikës.
Platforma mollëkuqja.mk është projekt i Qendrës për Mundësi të Barabarta "Mollëkuqja". Nëpërmjet kësaj platforme ne synojmë të krijojmë një hapësirë të sigurtë për gratë dhe burrat, ku të njëjtët jo vetëm mund të informohen për problemet aktuale që kanë të bëjnë me diskriminimin gjinor, por edhe të mund të ndajnë mendimet dhe eksperiencat e tyre.
Të gjitha të drejtat janë të rezervuara © 2024 / Mollëkuqja.mk | Made by LuckyMedia