March 13th, 2024
Blend Vrajolli është shpallur fajtor të martë, 05.03.2024, nga Gjykata e Prishtinës për përgatitje të veprave penale të terrorizmit dhe është dënuar me tre vite e gjashtë muaj burgim.
Burimi: Kallxo.com.
Blend Vrajolli me nofken “Ebu Ubejt” akuzohet nga Prokuroria Speciale për përgatitje të sulmeve terroriste ndaj komunitetit LGBTI dhe në pikën kufitare në Merdarë dhe per veprën penale trajnimi për terrorizëm.
Blend Vrajolli nuk ka qenë i pranishëm në shpalljen e aktgjykimit dënues ndaj tij.
Blend Vrajolli po akuzohet se ka bërë përgatitjen e sulmeve terroriste në Kosovë përmes materialeve të rrezikshme e vdekjeprurëse në kombinim me “Nitrat de Calcium” në sheshin e Prishtinës ndaj pjesëtarëve të komunitetit LGBTI si dhe në pikën kufitare në Merdarë.
“Prokuroria Speciale njofton se ekziston dyshimi i bazuar mirë se i pandehuri B.V. ka bërë përgatitje të sulmeve terroriste në Kosovë, me materie të rrezikshme, dhe vdekjeprurëse për jetën e njerëzve në kombinim me, NITRATE DE CALCIUM, në sheshin e Prishtinës ndaj pjesëtareve të komunitetit LGBTI dhe në pikën kufitare Merdarë, i njëjti me datë 21.02.2023, arrestohet nga Policia e Kosovës” thuhej në deklaratën e Prokurisë Sociale në aktakuzën e ngritur më 15 shtator 2023.
Sipas aktakuzës, i njëjti me rastin e udhëtimit nga Arabia Saudite për në Kosovë përmes Aeroportit të Shkupit, pasi ishte pjesë e “Stop listës” ishte ndaluar dhe kontrolluar në pikën kufitare në Han të Elezit, me ç’rast i janë gjetur mesazhe dhe harta të pranuara përmes rrjetit social “Telegram”.
Përmbajtja e kësaj ueb-faqeje është përgatitur nga Mollëkuqja me mbështetje të popullit Amerikan përmes Agjencionit për Zhvillim Ndërkombëtar të Shteteve të Bashkuara të Amerikës (USAID). Pikëpamjet e autorëve të shprehura në këtë ueb-faqe nuk reflektojnë medoemos pikëpamjet e Agjencionit për Zhvillim Ndërkombëtar të Shteteve të Bashkuara apo të Qeverisë së Shteteve të Bashkuara të Amerikës.
Platforma mollëkuqja.mk është projekt i Qendrës për Mundësi të Barabarta "Mollëkuqja". Nëpërmjet kësaj platforme ne synojmë të krijojmë një hapësirë të sigurtë për gratë dhe burrat, ku të njëjtët jo vetëm mund të informohen për problemet aktuale që kanë të bëjnë me diskriminimin gjinor, por edhe të mund të ndajnë mendimet dhe eksperiencat e tyre.
Të gjitha të drejtat janë të rezervuara © 2024 / Mollëkuqja.mk | Made by LuckyMedia
