August 15th, 2024
Në muajin korrik 2024 sipas të dhënave të Institutit të Shëndetit Publik në Maqedoninë e Veriut u regjistruan 20 raste të sëmundjeve seksualisht të transmetueshme.
Gjatë muajit korrik janë raportuar 5 raste me HIV dhe 2 raste me SIDA, gjashtë raste janë te burrat dhe një te gratë.
Për sa i përket moshës, nga dy persona i përkasin grup-moshës 20-29, 30-39 dhe 40-49 vjeç, një person i përket grup-moshës 50-59 vjeç.
Në grupin e infeksioneve seksualisht dhe të transmetueshme me gjak (pa HIV/AIDS) janë regjistruar 13 të sëmurë, 6 raste me sifilis, 4 raste me Hepatit B viral, 2 raste të gonorresë dhe 1 rast infeksioni me klamidia.
Numri kumulativ i personave të regjistruar me HIV/AIDS në Maqedoninë e Veriut, për periudhën 1987-2024, është 674, përkatësisht: 128 persona kanë vdekur, 546 persona kanë jetuar me HIV/AIDS.
Rikujtojmë që në muajin maj për herë të parë u regjistrua epidemi e HIV-it në Maqedoninë e Veriut
Në Maqedoninë e Veriut është regjistruar epidemi e HIV-it te një grup i caktuar i popullatës, këtë e thonë rezultatet e hulumtimit të Institutit për Shëndet Publik te djemtë që kryejnë marrëdhënie seksuale me djemtë në Shkup, ku prevalenca e vlerësuar është 5,4 përqind.
Në vitin 2023 në Maqedoninë e Veriut janë regjistruar 50 raste të reja me HIV/AIDS që përbën rritjej 0,8 për qind nga viti parprak, kur ishin regjistruar 42 raste ndërsa nga viti 2013, ka rritje të rasteve për 22 për qind.
“Krahasuar me mesataren e periudhës paraprake dhjetëvjeçare (2013-2022) është regjistruar një rritje prej 22 përqind”, thekson raporti.
Nga 50 rastet e regjistruara në vitin 2023, 46 ishin djem ndërsa 4 vajza, mosha mesatare e të cilëve është 35 vjet, ndërsa 74 përqind e rasteve janë nga mosha 20 deri në 39 vjet.
“Nga rastet e regjistruara në vitin 2023 numri më i madh i rasteve kanë qenë në Shkup, 4 raste janë regjistruar në Strumicë. Rastet e tjera janë regjistruar si raste sporadike në 18 qytete tjera”, tregon raporti.
Fisnik Xhelili është zëvendëskryeredaktor në "Portalb.mk". Ai ka diplomuar në degën e Komunikimit Ndërkombëtar, ndërsa aktualisht vijon studimet e masterit në degën e Marrëdhënieve Ndërkombëtare dhe Diplomacisë. Fisniku është bashkëthemelues i Qendrës për Mundësi të Barabarta "Mollëkuqja".
Përmbajtja e kësaj ueb-faqeje është përgatitur nga Mollëkuqja me mbështetje të popullit Amerikan përmes Agjencionit për Zhvillim Ndërkombëtar të Shteteve të Bashkuara të Amerikës (USAID). Pikëpamjet e autorëve të shprehura në këtë ueb-faqe nuk reflektojnë medoemos pikëpamjet e Agjencionit për Zhvillim Ndërkombëtar të Shteteve të Bashkuara apo të Qeverisë së Shteteve të Bashkuara të Amerikës.
Platforma mollëkuqja.mk është projekt i Qendrës për Mundësi të Barabarta "Mollëkuqja". Nëpërmjet kësaj platforme ne synojmë të krijojmë një hapësirë të sigurtë për gratë dhe burrat, ku të njëjtët jo vetëm mund të informohen për problemet aktuale që kanë të bëjnë me diskriminimin gjinor, por edhe të mund të ndajnë mendimet dhe eksperiencat e tyre.
Të gjitha të drejtat janë të rezervuara © 2024 / Mollëkuqja.mk | Made by LuckyMedia
