April 7th, 2023
Infertiliteti është sëmundje e sistemit reproduktiv që mund të paraqitet te të dy gjinitë. Kryesisht, në qoftë se dështoni të ngelni shtatzënë pas 12 muajsh kryerje të marrëdhënieve seksuale në mënyrë të rregullt dhe pa mbrojtje, duhet bashkë me partnerin të vizitoni mjekun.
Shkaqet e infertilitetit mund të prekin të dy partnerët. Ata përfshijnë:
Mungesa e ovulacionit të rregullt
Spermë me cilësi të dobët ose bllokim të traktit riprodhues te meshkujt
Tubat fallopianë të dëmtuara ose bllokuara
Anomali të mitrës
Ndër faktorët e rrezikut mund të jenë:
Mosha e shtyrë
Pesha (mbipeshë apo nënpeshë)
Sëmundjet seksualisht transmetuese
Duhani
Sëmundje tjera
Trajtimi me barëra specifike
Për çiftet e prekura apo personat, në qoftë se kujdesi është i duhur, mund të rriten shanset për të ngelur shtatzënë.
Një në gjashtë persona në mbarë botën përballen me probleme steriliteti, sipas një raporti të publikuar nga Organizata Botërore e Shëndetësisë (OBSH). Ky raport gjithashtu vuri në dukje se nuk ka shumë dallime në përqindjet e përhapjes së këtij fenomeni mes vendeve me të ardhura të larta, të mesme dhe të ulëta mesatare. Përqindja e të rriturve të prekur nga steriliteti gjatë jetës së tyre është 17.8 për qind në vendet me të ardhura të larta dhe 16.5 për qind në ato me të ardhura të ulëta dhe të mesme.
Sipas raportit, njerëzit në vendet më të varfra shpenzojnë një pjesë më të madhe të të ardhurave të tyre për kujdesin e fertilitetit në krahasim me njerëzit më të pasur.
Kostot e larta shihen si një nga faktorët që i pengojnë njerëzit të kenë qasje në trajtime të tilla dhe përfundimisht të mos jenë në gjendje të mbeten shtatzënë në ato raste kur metodat natyrore dështojnë.
“Raporti zbulon një të vërtetë të rëndësishme – infertiliteti nuk diskriminon”, tha drejtori i Përgjithshëm i OBSH-së, Tedros Adhanom.
Ai shtoi se “përqindja e madhe e njerëzve të prekur tregon nevojën për ta zgjeruar qasjen në kujdesin e fertilitetit dhe për t’u siguruar që kjo çështje të mos anashkalohet më në hulumtimet dhe politikat shëndetësore, ashtu që që mënyra më të sigurta, efektive dhe të përballueshme për të arritur prindërimin të jenë të qasshme për ata që i kërkojnë”.
Ardit Ramadani është magjistër i Komunikimit Masiv dhe Gazetarisë. Ai është autor dhe redaktor i disa hulumtimeve. Më herët, ka punuar si verifikues i fakteve në Vërtetmatës.mk dhe Crithink.mk, si gazetar në ‘Portalb.mk’ dhe në Televizionin Kombëtar ‘Alsat M’. Aktualisht, Arditi është kryeredaktor përgjegjës në portalin ‘Mollekuqja.mk’ dhe udhëheqës i hulumtimit në Forumin për Ndryshime në Arsim. Arditi është bashkë-themelues në të dy këto organizata.
Përmbajtja e kësaj ueb-faqeje është përgatitur nga Mollëkuqja me mbështetje të popullit Amerikan përmes Agjencionit për Zhvillim Ndërkombëtar të Shteteve të Bashkuara të Amerikës (USAID). Pikëpamjet e autorëve të shprehura në këtë ueb-faqe nuk reflektojnë medoemos pikëpamjet e Agjencionit për Zhvillim Ndërkombëtar të Shteteve të Bashkuara apo të Qeverisë së Shteteve të Bashkuara të Amerikës.
Platforma mollëkuqja.mk është projekt i Qendrës për Mundësi të Barabarta "Mollëkuqja". Nëpërmjet kësaj platforme ne synojmë të krijojmë një hapësirë të sigurtë për gratë dhe burrat, ku të njëjtët jo vetëm mund të informohen për problemet aktuale që kanë të bëjnë me diskriminimin gjinor, por edhe të mund të ndajnë mendimet dhe eksperiencat e tyre.
Të gjitha të drejtat janë të rezervuara © 2024 / Mollëkuqja.mk | Made by LuckyMedia
