October 24th, 2023
Maqedonia e Veriut është në vendin e 44 në mesin e shteteve më të mira për të qenë grua. Indeksi i Grave, Paqes dhe Sigurisë u prezantua pak ditë më herët në Norvegji. Sipas këtij studimi, vendet më të mira në botë për të qenë grua janë kryesisht disa shtete të Evropës.
Sipas kësaj, Maqedonia e Veriut radhitet e 44-ta sa i përket ofrimit të sigurisë, paqes, barazisë ekonomike, sociale e politike grave.
Më mirë në rajon, përkatësisht para RMV-së qëndron Serbia (në vendin e 32-të) dhe Mali i Zi (në vendin e 41) ndërsa më keq radhitet Shqipëria (në vendin e 45-të), Bosnja dhe Hercegovina (në vendin e 55-të) dhe Kosova (në vendin e 100).
Ndër bashkëautorët e këtij indeksi është edhe Instituti i Kërkmeve të Paqes në Oslo. Në listën e 177 vendeve më të mira për të qenë grua, listën e kryeson Danimarka, e cila ndiqet afër nga Zvicra dhe Suedia.
Ky hulumtim vë në dukje shoqëritë ku gratë kanë ecuri më të mira në drejtim të barazisë gjinore, që janë më paqësore, demokratike, të bëgata dhe më të përgatitura për t’iu përshtatur ndryshimeve klimatike.
Sipas të dhënave, rezultati i keq i Kosovës i atribuohet rezultateve të dobëta të arsimimit dhe punësimit për gratë, krahas niveleve “shumë të larta” të vdekshmërisë amtare. Duhet theksuar që edhe Ukraina, e cila aktualisht është në gjendje lufte, rënditet para Kosovës.
Ardit Ramadani është magjistër i Komunikimit Masiv dhe Gazetarisë. Ai është autor dhe redaktor i disa hulumtimeve. Më herët, ka punuar si verifikues i fakteve në Vërtetmatës.mk dhe Crithink.mk, si gazetar në ‘Portalb.mk’ dhe në Televizionin Kombëtar ‘Alsat M’. Aktualisht, Arditi është kryeredaktor përgjegjës në portalin ‘Mollekuqja.mk’ dhe udhëheqës i hulumtimit në Forumin për Ndryshime në Arsim. Arditi është bashkë-themelues në të dy këto organizata.
Përmbajtja e kësaj ueb-faqeje është përgatitur nga Mollëkuqja me mbështetje të popullit Amerikan përmes Agjencionit për Zhvillim Ndërkombëtar të Shteteve të Bashkuara të Amerikës (USAID). Pikëpamjet e autorëve të shprehura në këtë ueb-faqe nuk reflektojnë medoemos pikëpamjet e Agjencionit për Zhvillim Ndërkombëtar të Shteteve të Bashkuara apo të Qeverisë së Shteteve të Bashkuara të Amerikës.
Platforma mollëkuqja.mk është projekt i Qendrës për Mundësi të Barabarta "Mollëkuqja". Nëpërmjet kësaj platforme ne synojmë të krijojmë një hapësirë të sigurtë për gratë dhe burrat, ku të njëjtët jo vetëm mund të informohen për problemet aktuale që kanë të bëjnë me diskriminimin gjinor, por edhe të mund të ndajnë mendimet dhe eksperiencat e tyre.
Të gjitha të drejtat janë të rezervuara © 2024 / Mollëkuqja.mk | Made by LuckyMedia
