{"id":10633,"date":"2025-04-22T13:24:46","date_gmt":"2025-04-22T13:24:46","guid":{"rendered":"https:\/\/mollekuqja.mk\/?p=10633"},"modified":"2025-04-22T13:30:55","modified_gmt":"2025-04-22T13:30:55","slug":"gjykata-e-larte-e-mbreterise-se-bashkuar-vendos-se-termi-grua-bazohet-ne-seksin-biologjik","status":"publish","type":"post","link":"https:\/\/mollekuqja.mk\/mk\/gjykata-e-larte-e-mbreterise-se-bashkuar-vendos-se-termi-grua-bazohet-ne-seksin-biologjik\/","title":{"rendered":"Gjykata e Lart\u00eb e Mbret\u00ebris\u00eb s\u00eb Bashkuar vendos se termi \u201cgrua\u201d bazohet n\u00eb seksin biologjik"},"content":{"rendered":"

M\u00eb 16 prill 2025, Gjykata e Lart\u00eb e Mbret\u00ebris\u00eb s\u00eb Bashkuar vendosi q\u00eb, sipas Ligjit p\u00ebr Barazi t\u00eb vitit 2010, p\u00ebrkufizimet ligjore t\u00eb termave \u201cgrua\u201d dhe \u201cseks\u201d i referohen ekskluzivisht seksit biologjik. Ky vendim n\u00ebnkupton se vet\u00ebm grat\u00eb biologjike konsiderohen ligj\u00ebrisht si t\u00eb tilla n\u00eb kuad\u00ebr t\u00eb k\u00ebtij legjislacioni, duke p\u00ebrjashtuar grat\u00eb transgjinore \u2013 p\u00ebrfshir\u00eb edhe ato q\u00eb kan\u00eb Certifikata t\u00eb Njohjes s\u00eb Gjinis\u00eb (Gender Recognition Certificates).<\/p>\n

Ankesa u d\u00ebrgua n\u00eb Gjykat\u00ebn e Lart\u00eb nga grupi aktivist \u201cFor Women Scotland\u201d, pasi dy gjykata n\u00eb Skoci kishin refuzuar argumentin e tyre se p\u00ebrkufizimi i termit \u201cgrua\u201d n\u00eb Ligjin p\u00ebr Barazi duhej t\u00eb kufizohej vet\u00ebm p\u00ebr personat e lindur biologjikisht si gra, raporton The Guardian.<\/p>\n

Pas vendimit t\u00eb dat\u00ebs 16 prill, Susan Smith, themeluese e \u201cFor Women Scotland\u201d tha se marrja e k\u00ebtij vendimi ka qen\u00eb nj\u00eb rrug\u00eb e gjat\u00eb, por se \u201cgrat\u00eb tani mund t\u00eb ndihen t\u00eb sigurta q\u00eb sh\u00ebrbimet dhe hap\u00ebsirat e p\u00ebrcaktuara p\u00ebr gra u takojn\u00eb vet\u00ebm atyre q\u00eb kan\u00eb lindur biologjikisht si gra\u201d.<\/p>\n

Ky vendim mund t\u00eb ket\u00eb pasoja t\u00eb gjera dhe t\u00eb kufizoj edhe m\u00eb shum\u00eb qasjen e grave trans n\u00eb sh\u00ebrbime dhe hap\u00ebsira t\u00eb rezervuara p\u00ebr grat\u00eb. Ato nuk do t\u00eb ken\u00eb m\u00eb qasje n\u00eb tualetet apo dhomat e zhveshjes p\u00ebr gra, dhe burrat trans nuk do t\u00eb mund t\u00eb hyjn\u00eb m\u00eb n\u00eb ato p\u00ebr burra.<\/p>\n

P\u00ebr m\u00eb tep\u00ebr, zyrtar\u00ebt kan\u00eb konfirmuar se NHS (Sh\u00ebrbimi Komb\u00ebtar Sh\u00ebndet\u00ebsor) \u00ebsht\u00eb duke shqyrtuar p\u00ebrdit\u00ebsimin e udh\u00ebzimeve zyrtare p\u00ebr repartet nj\u00ebseksuale, n\u00eb p\u00ebrputhje me k\u00ebt\u00eb vendim dhe t\u00eb akomodojn\u00eb pacient\u00ebt bazuar n\u00eb seksin e tyre biologjik.<\/p>\n

Vendimi do t\u00eb ket\u00eb pasoja t\u00eb m\u00ebdha edhe n\u00eb sport, nj\u00eb industri q\u00eb prej koh\u00ebsh po p\u00ebrballet me pyetjen n\u00ebse grat\u00eb trans duhet t\u00eb lejohen t\u00eb garojn\u00eb n\u00eb sportin p\u00ebr gra. Si dhe, ky vendim do t\u00eb aplikohet edhe n\u00eb burgjet e vendit, ku grat\u00eb trans do t\u00eb transferohen n\u00eb burgjet e burrave dhe burrat trans n\u00eb ato t\u00eb grave.<\/p>\n

Gjithashtu, Policia Britanike e Transportit ka treguar se ka miratur nj\u00eb \u201cq\u00ebndrim t\u00eb ri t\u00eb p\u00ebrkohsh\u00ebm\u201d, q\u00eb do t\u00eb thot\u00eb se personat trans q\u00eb ndalohen n\u00eb paraburgim do t\u00eb kontrollohen nga nj\u00eb oficer n\u00eb p\u00ebrputhje me seksin e tyre t\u00eb lindjes, raporton the Independent.<\/p>\n

Sacha Deshmukh, shefja ekzekutive e grupit p\u00ebr t\u00eb drejtat e njeriut n\u00eb Amnesty International UK, tha se vendimi ishte d\u00ebshp\u00ebrues.<\/p>\n

\u201cKjo do t\u00eb ket\u00eb pasoja t\u00eb m\u00ebdha p\u00ebr personat transgjinor, por \u00ebsht\u00eb e r\u00ebnd\u00ebsishme t\u00eb theksojm\u00eb se gjykata ka qen\u00eb e qart\u00eb n\u00eb vendimin se personat trans jan\u00eb t\u00eb mbrojtur n\u00ebn Ligjin p\u00ebr Barazi kund\u00ebr diskriminimit dhe ngacimimit\u201d, shtoi Deshmukh.<\/p>\n