{"id":10036,"date":"2023-12-05T18:17:28","date_gmt":"2023-12-05T18:17:28","guid":{"rendered":"https:\/\/mollekuqja.mk\/?p=10036"},"modified":"2025-02-02T18:19:22","modified_gmt":"2025-02-02T18:19:22","slug":"hapi-biblioteken-shqipe-ne-manastir-selimi-per-mollekuqja-me-thane-je-vajze-do-frikesohesh-lehte","status":"publish","type":"post","link":"https:\/\/mollekuqja.mk\/mk\/hapi-biblioteken-shqipe-ne-manastir-selimi-per-mollekuqja-me-thane-je-vajze-do-frikesohesh-lehte\/","title":{"rendered":"Hapi bibliotek\u00ebn shqipe n\u00eb Manastir, Selimi p\u00ebr Moll\u00ebkuqja: M\u00eb than\u00eb je vajz\u00eb, do frik\u00ebsohesh leht\u00eb"},"content":{"rendered":"

M\u00eb\u00a022<\/strong>\u00a0n\u00ebntor t\u00eb k\u00ebtij viti nj\u00eb vajz\u00eb\u00a023<\/strong>\u00a0vje\u00e7e, Emira Selimi, preu shiritin e inaugurimit t\u00eb bibliotek\u00ebs “Linkest”, e vetmja n\u00eb gjuh\u00ebn shqipe n\u00eb Manastir. N\u00eb nj\u00eb intervist\u00eb p\u00ebr\u00a0Moll\u00ebkuqja<\/a>, Selimi r\u00ebfen sfidat e k\u00ebtij rrug\u00ebtimi aspak t\u00eb leht\u00eb p\u00ebr t\u00eb, thot\u00eb q\u00eb burimi i mosbesimit dhe shfaqjes s\u00eb dyshimeve n\u00ebse (nuk) do t\u00eb hapej kjo bibliotek\u00eb, ishte pik\u00ebrisht p\u00ebr faktin q\u00eb ajo ishte nj\u00eb vajz\u00eb, sipas tyre e pafuqishme, n\u00eb k\u00ebt\u00eb \u2018luft\u00eb\u2019 me nj\u00eb num\u00ebr t\u00eb madh t\u00eb kund\u00ebrshtar\u00ebve.<\/p>\n

\u201cMendonin q\u00eb p\u00ebr faktin se jam vajz\u00eb, leht\u00eb thyhem emocionalisht. Vet\u00ebm pse jam vajz\u00eb, mendonin se do t\u00eb frik\u00ebsohem dhe t\u00ebrhiqem\u201d u shpreh Emira.<\/p>\n

Heshti, nuk p\u00ebrgenj\u00ebshtroi q\u00eb t\u00eb mos e d\u00ebmtoj\u00eb procesin<\/strong><\/h5>\n

T\u00eb hap\u00ebsh nj\u00eb bibliotek\u00eb krejt\u00ebsisht t\u00eb re, sfida m\u00eb e madhe n\u00eb nj\u00eb situat\u00eb normale do t\u00eb duhej t\u00eb ishte sigurimi i librave. Por jo n\u00eb k\u00ebt\u00eb rast, Emira gjat\u00eb k\u00ebtij rrug\u00ebtimi \u00ebsht\u00eb p\u00ebrballur me shpifje nga m\u00eb t\u00eb ndryshmet, si nga mediet \u2013 ashtu edhe nga qytetar\u00eb t\u00eb zakonsh\u00ebm.<\/p>\n

Ajo kishte vendosur t\u00eb mos i p\u00ebrgenj\u00ebshtroj\u00eb k\u00ebto shpifje, p\u00ebr shkak se p\u00ebr sigurin\u00eb e saj dhe hapjen e bibliotek\u00ebs me sukses, i ishte sugj\u00ebruar t\u00eb q\u00ebndroj\u00eb e heshtur deri n\u00eb dit\u00ebn kur edhe zyrtarisht u b\u00eb hapja.<\/p>\n

\u201cM\u00eb vjen shum\u00eb keq q\u00eb p\u00ebr her\u00eb t\u00eb par\u00eb duhet ta potencoj publikisht q\u00eb n\u00eb mesin e atyre q\u00eb kan\u00eb p\u00ebrkrahur shpifjet dhe pengesat ndaj meje kan\u00eb q\u00eb edhe disa gra. Kam kuptuar q\u00eb asnj\u00ebher\u00eb ne grat\u00eb nuk do arrijm\u00eb t\u00eb drejtat tona p\u00ebrderisa xhelozojm\u00eb nj\u00ebra tjetr\u00ebn dhe shfaqim urrejtje ndaj nj\u00ebra tjer\u00ebs.\u201d tha Emira, n\u00eb nj\u00eb bised\u00eb me gazetaren e Moll\u00ebkuqja.<\/p>\n

\"\"<\/p>\n

Ofendimet dhe shpifjet ndikuan n\u00eb sh\u00ebndetin e saj<\/strong><\/h5>\n

Emira tregon q\u00eb p\u00ebrgjat\u00eb k\u00ebtij rrug\u00ebtimi \u00ebsht\u00eb p\u00ebrballur edhe me pasoja t\u00eb sh\u00ebndetit shpirt\u00ebror dhe fizik, deri n\u00eb at\u00eb pik\u00eb sa \u00ebsht\u00eb detyruar t\u00eb kryej\u00eb kontrolle mjek\u00ebsore t\u00eb cilat nuk i kan\u00eb rezultuar aspak mir\u00eb.<\/p>\n

\u201cShpifjet m\u00eb kan\u00eb l\u00ebnduar shum\u00eb emocionalisht. Si pasoj\u00eb e gjith\u00eb asaj q\u00eb un\u00eb kam duruar, kam pasur pasoja sh\u00ebndet\u00ebsore ku n\u00eb k\u00ebt\u00eb rast me m\u00ebl\u00e7in\u00eb e zez\u00eb, m\u00ebl\u00e7ia normale duhet t\u00eb jet\u00eb 40 n\u00eb analizat e mia ka q\u00ebn\u00eb 503 q\u00eb \u00ebsht\u00eb dashur t\u00eb marr terapi t\u00eb menj\u00ebhershme.\u201d shtoi Emira.<\/p>\n

Ajo thot\u00eb se ky \u2018lum\u2019 i urrejtjes ka ardh\u00eb kryesisht nga individ t\u00eb Maqedonis\u00eb s\u00eb Veriut, t\u00eb cil\u00ebt p\u00ebrve\u00e7 q\u00eb kishin vendosur t\u00eb mos e p\u00ebrkrahin nism\u00ebn e saj p\u00ebr bibliotek\u00ebn e par\u00eb n\u00eb gjuh\u00ebn shqipe n\u00eb Manastir, por me \u00e7do kusht kan\u00eb tentuar ta d\u00ebmtojn\u00eb k\u00ebt\u00eb nism\u00eb.<\/p>\n

N\u00eb qytetin e alfabetit shqip, shqipja flitej me pengesa \u2013 e kisha patjet\u00ebr t\u00eb nd\u00ebrmarr di\u00e7ka<\/strong><\/h5>\n

Ajo koh\u00eb m\u00eb par\u00eb kishte filluar t\u00eb hulumtoj\u00eb dhe t\u2019i hyj\u00eb m\u00eb n\u00eb thelb historis\u00eb s\u00eb familjes\u00a0Qiriazi<\/strong>\u00a0n\u00eb Manastir, m\u00eb konkretisht historive t\u00eb shqiptar\u00ebve ortodoks \u2013 \u00e7do rrug\u00eb e \u00e7onte n\u00eb realitetin jo t\u00eb mir\u00eb t\u00eb shqiptar\u00ebve n\u00eb Manastir.<\/p>\n

\u201cArsimimi vet\u0113m n\u00eb gjuh\u00ebn maqedone, shqipja flitej me shum\u00eb pengesa, n\u00eb shkoll\u00ebn e vetme fillore ku m\u00ebsojn\u00eb shqiptar\u00ebt, \u2018Goce Dell\u00e7ev\u2019 m\u00eb shum\u00eb l\u00ebnd\u00eb i m\u00ebsojne n\u00eb gjuh\u00ebn maqedone sesa n\u00eb gjuh\u00ebn shqipe. I gjith\u00eb motivi lindi nga realiteti i trisht\u00eb q\u00eb p\u00ebrjetova un\u00eb n\u00eb Manastir.\u201d tha ajo.<\/p>\n

\u201cMenj\u00ebher\u00eb pas publikimit t\u00eb nism\u00ebs, shqiptar\u00ebt u solidarizuan menj\u00ebher\u00eb, mb\u00ebshtetja m\u00eb e madhe ka q\u00ebn\u00eb nga Kosova dhe Shqip\u00ebria\u201d tregon Emira p\u00ebr interesin e shprehur nga shtete p\u00ebrtej kufirit p\u00ebr t\u00eb ndihmuar hapjen e bibliotek\u00ebs.<\/p>\n

Ideja fillestare ka qen\u00eb q\u00eb kjo bibliotek\u00eb t\u00eb hapet n\u00eb katin p\u00ebrdhes\u00eb t\u00eb Muzeut t\u00eb Alfabetit por institucioni kompetent q\u00eb duhej t\u2019i jep lejen p\u00ebr k\u00ebt\u00eb, p\u00ebrkat\u00ebsisht\u00a0<\/strong>ministria e Kultur\u00ebs k\u00ebrkes\u00ebs s\u00eb Selimit i ishte p\u00ebrgjigjur negativisht.<\/p>\n

T\u00eb gjitha harxhimet p\u00ebr bibliotek\u00ebn i mbulon Emira me t\u00eb dashurin e saj, Molos Parthini<\/strong><\/h5>\n

Refuzimi i institucioneve kompetente p\u00ebr t\u2019i dh\u00ebn\u00eb nj\u00eb hap\u00ebsir\u00eb k\u00ebsaj biblioteke ka shtyr\u00eb at\u00eb q\u00eb t\u00eb gjej\u00eb nj\u00eb objekt me qera p\u00ebr nevojat e bibliotek\u00ebs, e cila aktualisht gjendet nj\u00ebqind metra af\u00ebr shkoll\u00ebs fillore \u2018Goce Dell\u00e7ev\u2019, ngjitur me Konsullat\u00ebn e Shqip\u00ebris\u00eb, p\u00ebrball\u00eb Qendr\u00ebs p\u00ebr Kultur\u00eb.<\/p>\n

P\u00ebrkund\u00ebr q\u00eb kjo nuk ishte rruga m\u00eb e leht\u00eb p\u00ebr t\u00eb siguruar jet\u00ebgjt\u00ebsin\u00eb bibliotek\u00ebs, Selimi kishte vendosur q\u00eb f\u00ebmij\u00ebt deri n\u00eb mosh\u00ebn 15 vje\u00e7e t\u2019i liroj\u00eb nga pagesa e an\u00ebtar\u00ebsis\u00eb, nd\u00ebrsa grupmoshat tjera do t\u00eb paguajn\u00eb nj\u00eb shum\u00eb simbolike.<\/p>\n

\u201cKjo sepse objekti \u00ebsht\u00eb shum\u00eb shtrenjt\u00eb nd\u00ebrsa biblioteka duhet t\u00eb mir\u00ebmbahet\u201d tha ajo.<\/p>\n

Ndryshe, biblioteka deri m\u00eb tani ka\u00a010<\/strong>\u00a0mij\u00eb tituj, por pritet q\u00eb edhe\u00a015<\/strong>\u00a0mij\u00eb vepra t\u00eb sillen nga Tirana, kurse edhe\u00a05<\/strong>\u00a0mij\u00eb nga Prishtina. T\u00eb gjith\u00eb ata q\u00eb duan ta pasurojn\u00eb biblioteken munden q\u00eb edhe personalisht t\u2019i d\u00ebrgojn\u00eb librat n\u00eb Manastir.<\/p>\n