{"id":10776,"date":"2025-07-21T10:22:06","date_gmt":"2025-07-21T10:22:06","guid":{"rendered":"https:\/\/mollekuqja.mk\/?p=10776"},"modified":"2025-07-21T10:22:06","modified_gmt":"2025-07-21T10:22:06","slug":"heshtja-institucionale-kalkulime-politike-dhe-cmimi-qe-grate-paguajne-per-pjesemarrjen-ne-jeten-publike-ne-rmv","status":"publish","type":"post","link":"https:\/\/mollekuqja.mk\/en\/heshtja-institucionale-kalkulime-politike-dhe-cmimi-qe-grate-paguajne-per-pjesemarrjen-ne-jeten-publike-ne-rmv\/","title":{"rendered":"Heshtja institucionale, kalkulime politike dhe \u00e7mimi q\u00eb grat\u00eb paguajn\u00eb p\u00ebr pjes\u00ebmarrjen n\u00eb jet\u00ebn publike n\u00eb RMV"},"content":{"rendered":"

N\u00eb Maqedoni, nga 80 komuna, vet\u00ebm dy drejtohen nga gra: Danela Arsovska n\u00eb Shkup dhe Zhaklina Jovanovska n\u00eb Staro Nagoricane. Kjo e b\u00ebn k\u00ebt\u00eb situat\u00eb edhe m\u00eb dometh\u00ebn\u00ebse. Sulmi ndaj nj\u00ebr\u00ebs prej k\u00ebtyre dy grave nuk \u00ebsht\u00eb vet\u00ebm nj\u00eb sulm personal \u2013 por nj\u00eb mesazh p\u00ebr t\u00eb gjitha grat\u00eb e tjera q\u00eb po mendojn\u00eb t\u00eb kandidojn\u00eb p\u00ebr poste ose t\u00eb p\u00ebrfshihen n\u00eb jet\u00ebn publike. N\u00ebse grat\u00eb n\u00eb poste mbeten pa mbrojtje, pa mb\u00ebshtetje dhe pa d\u00ebnim t\u00eb z\u00ebsh\u00ebm, at\u00ebher\u00eb grat\u00eb n\u00eb shoq\u00ebri marrin nj\u00eb mesazh t\u00eb qart\u00eb se ky nuk \u00ebsht\u00eb vendi p\u00ebr to.<\/strong><\/p>\n

Nga goditjet n\u00eb teren deri te heshtja n\u00eb krye t\u00eb shtetit, rasti i kryetares s\u00eb komun\u00ebs s\u00eb Shkupit ngre pyetjen: Sa e sigurt \u00ebsht\u00eb q\u00eb grat\u00eb t\u00eb marrin pjes\u00eb n\u00eb jet\u00ebn publike n\u00eb Maqedonin\u00eb e Veriut?<\/p>\n

Kryetarja e komun\u00ebs s\u00eb Shkupit, Danela Arsovska, \u00ebsht\u00eb gjetur p\u00ebrs\u00ebri n\u00eb qend\u00ebr t\u00eb v\u00ebmendjes s\u00eb publikut pasi u sulmua fizikisht dhe verbalisht n\u00eb lagjen \u00c7air m\u00eb 11 korrik 2025, nd\u00ebrsa po kryente nj\u00eb inspektim zyrtar p\u00ebr t\u00eb hequr nj\u00eb nd\u00ebrtes\u00eb t\u00eb paligjshme. Sipas d\u00ebshmis\u00eb s\u00eb saj, ajo \u00ebsht\u00eb\u00a0goditur<\/a>\u00a0me grushta dhe shqelma, si dhe jan\u00eb b\u00ebr\u00eb k\u00ebrc\u00ebnime brutale p\u00ebr p\u00ebrdhunimin dhe vrasjen e familjes s\u00eb saj. E gjith\u00eb kjo n\u00eb prani t\u00eb policis\u00eb t\u00eb cil\u00ebt, si\u00e7\u00a0deklaroi<\/a>\u00a0ajo, nuk kan\u00eb nd\u00ebrhyr\u00eb.<\/p>\n

Ngjarja, p\u00ebr t\u00eb cil\u00ebn tashm\u00eb jan\u00eb duke u zhvilluar procedura penale, ka shkaktuar reagime t\u00eb gjera nga sektori i shoq\u00ebris\u00eb civile dhe disa parti politike, dhe ka nxjerr\u00eb n\u00eb pah dob\u00ebsit\u00eb e thella gjinore, etnike dhe politike q\u00eb jan\u00eb p\u00ebrdorur p\u00ebr vite me radh\u00eb si mjet p\u00ebr manipulim politik dhe polarizim. Por na ka kujtuar gjithashtu se sa leht\u00eb instrumentalizohen gjinia, etnia dhe pushteti politik n\u00eb nj\u00eb sistem q\u00eb shpesh nuk mban an\u00ebn e viktim\u00ebs.<\/p>\n

Heshtje n\u00eb krye t\u00eb shtetit<\/strong><\/h4>\n

Edhe pse ngjarja shkaktoi tronditje dhe d\u00ebnim nga nj\u00eb\u00a0num\u00ebr i madh<\/a>\u00a0organizatash dhe aktivist\u00ebsh, institucionet kryesore zgjodh\u00ebn heshtjen ose relativizimin. Ministri i Brendsh\u00ebm, Pan\u00e7e Toshkovski, e\u00a0quajti incidentin<\/a>\u00a0nj\u00eb \u201ccirk\u201d dhe \u201cteat\u00ebr zgjedhor\u201d n\u00eb nj\u00eb paraqitje televizive. Kryeministri Hristijan Mickoski dhe partia e tij VMRO-DPMNE nuk komentuan.<\/p>\n

Ve\u00e7an\u00ebrisht shqet\u00ebsuese ishte heshtja e Presidentes Gordana Siljanovska-Davkova, gruaja e par\u00eb q\u00eb mba detyr\u00ebn e presidentes s\u00eb vendit. Edhe pse fushata e saj bazohej n\u00eb\u00a0premtime<\/a>\u00a0p\u00ebr barazi gjinore dhe mb\u00ebshtetje p\u00ebr pjes\u00ebmarrjen e grave n\u00eb jet\u00ebn publike, ajo nuk shprehu as solidaritet dhe as shqet\u00ebsim institucional. P\u00ebr disa politikan\u00eb dhe\u00a0ish-zyrtar\u00eb<\/a>, kjo p\u00ebrb\u00ebn shkelje t\u00eb etik\u00ebs dhe moralit, ve\u00e7an\u00ebrisht n\u00eb nj\u00eb koh\u00eb kur nj\u00eb grua sulmohet gjat\u00eb kryerjes s\u00eb funksionit t\u00eb saj publik.<\/p>\n

Dimensioni gjinor i dhun\u00ebs<\/strong><\/h4>\n

Ky incident \u00ebsht\u00eb vet\u00ebm i fundit n\u00eb nj\u00eb seri shembujsh t\u00eb\u00a0gjuh\u00ebs s\u00eb urrejtjes<\/a>\u00a0drejtuar Arsovsk\u00ebs, q\u00eb filloi me kandidatur\u00ebn e saj n\u00eb vitin 2021 dhe vazhdon deri m\u00eb sot. Shpesh kjo gjuh\u00eb urrejtjeje manifestohet si mizofoni, gjegj\u00ebsisht n\u00ebn\u00e7mim dhe skualifikim bazuar n\u00eb gjinin\u00eb e saj, si\u00e7 mund t\u00eb\u00a0shihet n\u00eb videon<\/a>\u00a0e kryetares nga rasti.<\/p>\n

N\u00eb reagimin e tij, Rrjeti Komb\u00ebtar Kund\u00ebr Dhun\u00ebs ndaj Grave dhe Dhun\u00ebs n\u00eb Familje kujtoi\u00a0t\u00eb dh\u00ebnat<\/a>\u00a0nga viti 2020:<\/p>\n

\u2013 65% e grave n\u00eb politik\u00eb n\u00eb Maqedoni kan\u00eb p\u00ebrjetuar nj\u00eb form\u00eb dhune,<\/p>\n

\u2013 62% e tyre nuk e raportuan at\u00eb, p\u00ebr shkak t\u00eb mosbesimit ndaj institucioneve.<\/p>\n

Dhuna nuk duhet t\u00eb jet\u00eb \u00e7mimi q\u00eb grat\u00eb paguajn\u00eb p\u00ebr pjes\u00ebmarrjen n\u00eb jet\u00ebn publike, thuhet n\u00eb deklarat\u00eb.<\/strong><\/p><\/blockquote>\n

Manipulimi etnik dhe p\u00ebrfitimi politik<\/strong><\/h4>\n

Incidenti ndodhi n\u00eb \u00c7air, nj\u00eb komun\u00eb me shumic\u00eb popullsie shqiptare, gj\u00eb q\u00eb mjaftoi p\u00ebr t\u00eb rihapur \u00e7\u00ebshtjen e marr\u00ebdh\u00ebnieve nd\u00ebretnike.<\/p>\n

Partia VLEN, partnere koalicioni e VMRO-DPMNE-s\u00eb, e d\u00ebnoi sulmin, por n\u00eb t\u00eb nj\u00ebjt\u00ebn koh\u00eb\u00a0paralajm\u00ebroi<\/a>\u00a0se incidenti po p\u00ebrdorej p\u00ebr t\u00eb krijuar nj\u00eb narrativ\u00eb t\u00eb rreme t\u00eb konfliktit etnik. Reagimi i tyre deklaroi gjithashtu se mediat t\u00eb af\u00ebrta t\u00eb BDI-s\u00eb dhe Levic\u00ebs po p\u00ebrdornin incidente t\u00eb tjera \u2013 si\u00e7 \u00ebsht\u00eb nj\u00eb p\u00ebrleshje midis t\u00eb rinjve n\u00eb Tetov\u00eb \u2013 p\u00ebr t\u00eb ndezur artificialisht tensionet etnike.<\/p>\n

N\u00eb t\u00eb kaluar\u00ebn, gjuha e urrejtjes drejtuar kryetares s\u00eb bashkis\u00eb Danela Arsovska shpesh lidhej me spekulime rreth shtet\u00ebsis\u00eb s\u00eb saj, t\u00eb nxitura m\u00eb tej nga tensionet etnike n\u00eb vend. Pas sulmit t\u00eb fundit ndaj Arsovsk\u00ebs, eurodeputeti bullgar Andrei Kova\u00e7ev shprehu \u201cshqet\u00ebsim serioz\u201d dhe njoftoi n\u00eb mediat sociale se ajo ishte shtetase bullgare, duke k\u00ebrkuar nga institucionet bullgare t\u2019i ofronin mbrojtje ligjore dhe morale.<\/p>\n

Por ajo i\u00a0mohoi publikisht k\u00ebto akuza<\/a>, duke shpjeguar se mban vet\u00ebm shtet\u00ebsi maqedonase dhe \u00e7eke, jo bullgare, si\u00e7 pretendohet.<\/p>\n

Procedurat ligjore dhe p\u00ebrgjegj\u00ebsia institucionale<\/strong><\/h4>\n

Prokuroria Themelore Publike e Shkupit i hodhi posht\u00eb akuzat e Ministrit t\u00eb Brendsh\u00ebm, Pan\u00e7e Toshkovski, i cili sugjeroi se Kryetarja e Bashkis\u00eb s\u00eb Shkupit, Danela Arsovska, mund t\u00eb ket\u00eb shkaktuar vet\u00eb incidentin n\u00eb \u00c7air.<\/p>\n

Nga atje\u00a0njoftuan<\/a>\u00a0se ka filluar nj\u00eb procedur\u00eb penale kund\u00ebr dy personave p\u00ebr vepr\u00ebn penale \u201cdhun\u00eb\u201d sipas nenit 386, paragrafi 3 n\u00eb lidhje me paragrafin 1 t\u00eb Kodit Penal.\u00a0I dyshuari i par\u00eb<\/a>, i cili u prezantua si pronar i nj\u00eb nd\u00ebrtese t\u00eb paligjshme, fillimisht e ofendoi dhe e k\u00ebrc\u00ebnoi verbalisht kryetaren e komun\u00ebs Danela Arsovska, dhe m\u00eb pas e sulmoi fizikisht. I dyshuari i dyt\u00eb iu bashkua k\u00ebrc\u00ebnimeve verbale, duke e p\u00ebrshkall\u00ebzuar m\u00eb tej situat\u00ebn.<\/p>\n

Incidenti ndodhi gjat\u00eb nj\u00eb kontrolli t\u00eb jasht\u00ebzakonsh\u00ebm n\u00eb terren n\u00eb prani t\u00eb oficer\u00ebve t\u00eb policis\u00eb dhe punonj\u00ebsve t\u00eb Qytetit t\u00eb Shkupit.<\/p>\n

Prokuroria k\u00ebrkoi paraburgim p\u00ebr t\u00eb dyshuarin e par\u00eb, nd\u00ebrsa p\u00ebr t\u00eb dytin u propozuan masa parandaluese, duke p\u00ebrfshir\u00eb ndalimin e afrimit, konfiskimin e dokumentit t\u00eb udh\u00ebtimi dhe paraqitjen e rregullt n\u00eb gjykat\u00eb.<\/p>\n

Ministria e Brendshme njoftoi gjithashtu se, pas nj\u00eb vler\u00ebsimi sigurie nga Agjencia e Siguris\u00eb Komb\u00ebtare, kryetarja Arsovska do t\u00eb ket\u00eb siguri policore 24-or\u00ebshe, duke konfirmuar se siguria e saj \u00ebsht\u00eb n\u00eb t\u00eb v\u00ebrtet\u00eb n\u00eb rrezik.<\/p>\n

Vet\u00ebm dy kryetare komunash gra n\u00eb t\u00eb gjith\u00eb vendin<\/strong><\/h4>\n

N\u00eb Maqedoni, nga 80 komuna vet\u00ebm dy drejtohen nga gra: Danella Arsovska n\u00eb Shkup dhe Zhaklina Jovanovska n\u00eb Staro Nagoricane. Kjo e b\u00ebn k\u00ebt\u00eb situat\u00eb edhe m\u00eb dometh\u00ebn\u00ebse. Nj\u00eb sulm ndaj nj\u00ebr\u00ebs prej k\u00ebtyre dy grave nuk \u00ebsht\u00eb vet\u00ebm nj\u00eb sulm personal \u2013 por nj\u00eb mesazh p\u00ebr t\u00eb gjitha grat\u00eb e tjera q\u00eb po mendojn\u00eb t\u00eb kandidojn\u00eb p\u00ebr poste ose t\u00eb p\u00ebrfshihen n\u00eb jet\u00ebn publike.<\/p>\n

N\u00ebse grat\u00eb n\u00eb poste mbeten pa mbrojtje, pa mb\u00ebshtetje dhe pa d\u00ebnim t\u00eb z\u00ebsh\u00ebm, at\u00ebher\u00eb grat\u00eb n\u00eb shoq\u00ebri marrin nj\u00eb mesazh t\u00eb qart\u00eb se ky nuk \u00ebsht\u00eb vendi p\u00ebr to.<\/p>\n

Gjuha e urrejtjes \u00ebsht\u00eb e d\u00ebnueshme me ligj, sipas nenit 319 t\u00eb Kodit Penal, por kur nuk sanksionohet \u2013 b\u00ebhet e rrezikshme.<\/p>\n

Tolerimi i gjuh\u00ebs s\u00eb urretjes hap der\u00ebn p\u00ebr p\u00ebrshkall\u00ebzim n\u00eb dhun\u00eb t\u00eb v\u00ebrtet\u00eb. Sidomos kur drejtohet ndaj grave n\u00eb jet\u00ebn publike, gjuha e urrejtjes e pand\u00ebshkuar i trim\u00ebron autor\u00ebt e veprave penale dhe thellon kultur\u00ebn e pand\u00ebshkueshm\u00ebris\u00eb.<\/p>\n

Burimi: Portalb.mk<\/a>, autore: Fjolla Zlatku\u00a0dhe\u00a0Despina Kova\u00e7evska<\/p>\n