Nga viti i ardhshëm (2026) gratë në Danimarkë do të mund të thirren për shërbim ushtarak.
Kjo pasi vendi ka vendosur shërbimin ushtarak të detyrueshëm për gratë.
Ky vendim pritet t’i rrisë Danimarkës aftësitë në mbrojtje.
Vendi do të shtojë numrin e rekrutëve të ushtrisë dhe agjencisë së mbrojtjes.
Ministri i mbrojtjes Troels Lund Poulsen, ka thënë se duke filluar nga vitit 2026 gratë duhet të kryejnë shërbimin e detyruar ushtarak, në të njëjtat kushte si burrat.
Sipas tij, nëse për shërbimin ushtarak të detyrueshëm nuk paraqiten mjaftueshëm vullnetarë, gratë mund të rekrutohen edhe në formë të detyrueshme.
“Barazia është e mirë dhe rrit mundësinë e ndërtimit të fuqisë luftarake në mbrojtjen daneze”, tha ministri për Jyllands-Posten.
Ky vendim parasheh që vajzat që mbushin 18 vjeç, pas 1 korrikut të këtij viti mund të rekrutohen për shërbim ushtarak gjatë vitit të ardhshëm.
Shërbimi i detyruar ushtarak në Danimarkë deri tani është zbatuar vetëm për burrat.
Gratë kanë mundur të regjistrohen në ushtri në formë vullnetare.
Me këtë vendim Danimarka bëhet vendi i dytë i Bashkimit Evropian ku ekziston shërbimi i detyruar ushtarak për gratë.
Kjo masë në Suedi zbatohet që nga viti 2017.
Gratë duhet të kryejnë shërbimin ushtarak edhe në Norvegji, e cila është anëtare e NATO-s, por jo e BE-së.
